Stenokardiya

Stenokardiya nima?

Miokardga qon ta'minotining vaqtincha buzilishi natijasida ko'krakda og'riq yoki noqulaylik bilan namoyon bo'ladigan patologiya. Bu mustaqil jarayon emas, balki ishemiya belgisi. Barqaror va xavfli turi bo'ladi. Birinchisi nitroglitserin qabulida o'tadi, ikkinchisi esa miokard infarkti xavfi tufayli shoshilinch tibbiy yordamni talab qiladi.

Stenokardiya qanday sabablarga ko'ra paydo bo'ladi?

Sindrom koronar arteriyalar aterosklerozi natijasida yuzaga keladi. Arteriya devorlarida tomir teshigini toraytiradigan xolesterin blyashkalari paydo bo'ladi. Jismoniy yuklamada torayggan arteriyalar ishemiyaga olib keladi. Patologiyaning yana bir sababi — tromboz, koronar arteriyalar spazmi, mikrotomir disfunksiyasi. Uning rivojlanish xavfi yosh bilan, asosan 45 yoshdan katta erkaklarda ortadi.

Stenokardiyani qanday diagnostika qilish mumkin?

Shifokor patologiyani ko'rishi uchun laborator tahlillar va asbob-uskunali tekshiruvlar natijalari bilan tanishishi kerak. Ko'pincha buning uchun shifokor yuklama sinamasi, exokardiografiya, koronarografiya, EKG, yurak UTTsi va boshqani tayinlaydi.

Stenokardiyaning qanday alomatlari bo'ladi?

Patologiya chap qo'l, bo'yin, jag' pastki qismiga beradigan mahalliy ko'krak og'rig'i bilan tavsiflanadi. Bunda og'riq bosuvchi, kuydiruvchi, og'ir bo'ladi. Hamroh simptom — bosh aylanishi, ko'ngil aynishi, tashvish bilan birga keladigan nafas qisishi va holsizlik. Bunda stenokardiya 1-5 daqiqa davomida, 15 daqiqagacha namoyon bo'ladi. Og'riq uzoqroq davom etsa, miokard infarkti mumkin.

Stenokardiyaning bosqichlari qanday o'tadi?

Boshlang'ich bosqichda inson jismoniy yuklamada sezilarsiz og'riqqa duch keladi. Asta-sekin patologiya simptomlar progressi, minimal yuklama yoki tinch holatda og'riq bilan tavsiflanadi. To'rtinchi bosqichda bemorda nazorat qilib bo'lmaydigan xuruj yuzaga keladi. U infarkt rivojlanishi xavf zonasida turadi.

Stenokardiyaning qanday asoratlari bo'ladi?

Yurakka qon ta'minoti yetarli bo'lmaganda aritmiya, o'tkir yurak yetishmovchiligi, miokard infarkti, kardiogen shok paydo bo'lish xavfi yuqori. Perikardit, tromboemboliya, qon ketishi, miokard yorilishi aniqlanishi mumkin.

Stenokardiyani qanday davolash kerak?

Shifokor stenokardiyani davolashga kompleks yondashadi. U nitratlar, beta-adrenoblokatorlar, statinlar, APF ingibitorlari qabulini tayinlaydi. Shuningdek, dozalangan jismoniy yuklama, stressni boshqarish, turmush tarzini to'g'irlashni tavsiya qiladi. Patologiya progressida teri orqali koronar angioplastika, stentlash bilan koronar shuntlashni tayinlaydi.

Stenokardiya profilaktikasi

Xavf guruhida qonda yuqori xolesterin va qand, arterial gipertenziyaga ega inson turadi. Sindrom sababi — muvozanatsiz ovqatlanish, harakatsiz turmush tarzi, stress, chekish va alkogolizm. Shu munosabat bilan profilaktika uchun QB, glyukozani nazorat qilish, zararli odatlardan voz kechish, me'yorida faollik va to'g'ri ovqatlanish tamoyillariga rioya qilish tavsiya etiladi.