PARAFIMOZ

Olat sohasida toʻsatdan boshlanadigan, chidab boʻlmas darajadagi keskin va oʻtkir ogʻriq. Olat boshchasi va uning ostidagi terining qisqa vaqt ichida kuchli shishishi (shish xuddi shaffof pufak yoki "valik" koʻrinishini oladi).Boshcha rangining oʻzgarishi (dastlab qizaradi, keyin koʻkaradi yoki toʻq binafsha rangga kiradi). Siydik chiqarishning qiyinlashishi yoki butunlay toʻxtashi (shish siydik kanalini qisib qoʻyishi tufayli).

Fimoz (teri torligi) borligida olat boshchasini majburlab, keskin ochishga urinish (jinsiy aloqa, masturbatsiya yoki gigiyenik yuvish vaqtida). Tibbiy muolajalar (kateterizatsiya, tsistoskopiya) vaqtida shifokor yoki hamshira tomonidan olat terisini orqaga surish va muolajadan keyin uni oʻz joyiga qaytarishni unutish (ayniqsa, qariyalar va hushsiz yotgan bemorlarda). Kichik yoshdagi oʻgʻil bolalarni choʻmiltirishda ota-onalarning e'tiborsizligi yoki terini majburlab tortishi.

Olat boshchasi gangrenasi (bunda a'zoni qisman yoki toʻliq amputatsiya qilishga toʻgʻri keladi), uretra oqmalari (svish) va ogʻir yiringli sepsis.

Kompensatsiya bosqichi: Kuchli ogʻriq va boshlangʻich shish kuzatiladi, rang qizgʻish. Toʻqimalar hayotiyligi saqlangan.Ishemiya bosqichi: Shish maksimal darajaga yetadi, rang koʻkargan. Boshchada sezuvchanlik pasaya boshlaydi, qon aylanishi keskin buzilgan. Nekroz (Nekrotik) bosqichi: Olat boshchasida toʻqimalar oʻlimi boshlanadi, rang qorayadi, terida mayda yaralar (ul'seratsiya) paydo boʻladi. Ogʻriq nerv tugunlari oʻlgani sababli kamayishi mumkin (bu chalgʻituvchi xavfli belgi).

Mahalliy ogʻriqsizlantirishdan soʻng, shifokor olat boshchasidagi shish suyuqligini barmoqlari bilan sekin ezib (kamaytirib), boshchani toraygan halqa ichiga qayta surib kiritadi. Bu usul 70-80% holatlarda muvaffaqiyatli yakunlanadi. Boʻylama kesish (Рассечение кольца): Siqib turgan tor halqa pichoq (skalpel) bilan tilinadi. Boʻgʻilish darhol bartaraf etilib, qon oqimi tiklanadi. Sunnat qilish (Xatna ): Yalligʻlanish va shish butunlay qaytgandan keyin, parafimoz qaytalanmasligi uchun chekka olvol butunlay kesib tashlanadi (sunnat qilinadi). Bu muammoni butunlay yoʻq qiladi.

Fimoz kasalligi bor bemorlar olat terisini majburlab orqaga tortmasliklari kerak. Eng toʻgʻri profilaktika — fimoz aniqlanganda asoratlarni (parafimozni) kutmasdan, oʻz vaqtida, rejali ravishda sunnat (xatna) operatsiyasini qildirishdir