FIMOZDA SIRKUMSIZIYA (SUNNAT) QILISH

Olat boshchasining toʻliq yoki qisman ochilmasligi. Jinsiy aloqa va ereksiya vaqtida ogʻriq hissiyotlari. Siydik chiqarishning qiyinlashishi (siydik ingichka oqim bilan keladi yoki chekka teri xuddi sharcha kabi shishib ketadi). Chekka teri ostida ogʻriq, qichishish va yoqimsiz hidli ajralmalar kelishi. Terining qizarishi va shishishi.

Genetik omil: Bosh biriktiruvchi toʻqimalarning tugʻma elastikligi yetishmasligi. Travmalar va jarohatlar: Chekka terining yirtilishi yoki micro-jarohatlari bitishi natijasida chandiqlar (rubets) hosil boʻlishi. Surunkali yalligʻlanishlar: Balanopostit (olat boshchasi va terisining tez-tez yalligʻlanishi). Qandli diabet: Qonda shakar miqdorining yuqoriligi terining elastikligini yoʻqotadi va chandiqli fimozga olib keladi. Gigiyena qoidalariga rioya qilmaslik: Smegma toʻplanib, yalligʻlanish kelib chiqishi.

Parafimoz: Toraygan terining olat boshchasi orqasiga oʻtib, uni qisib qoʻyishi (toʻqima nekroziga olib kelishi mumkin boʻlgan shoshilinch holat).Balanopostit: Terida doimiy smegma va siydik qolishi sababli surunkali yalligʻlanish. Sistit va piyelonefrit: Siydik tutilishi natijasida infeksiyaning qovuq va buyraklarga oʻtib ketishi. Olat saratoni (rak): Uzoq yillar davomida surunkali yalligʻlanish va smegma toʻplanishi xavfli oʻsmalarga olib kelishi mumkin.

1-bosqich: Tinch holatda olat boshchasi muammosiz ochiladi, ammo ereksiya paytida ochilish qiyinlashadi va biroz ogʻriydi. 2-bosqich: Tinch holatda boshcha qiyinchilik bilan ochiladi, ereksiya paytida esa umuman ochilmaydi. 3-bosqich: Olat boshchasi tinch holatda ham, ereksiyada ham umuman ochilmaydi, lekin siydik chiqarishda muammo boʻlmaydi. 4-bosqich: Olat boshchasi umuman ochilmaydi va siydik ajralishi ogʻirlashadi (siydik tomchilab yoki teri xaltachasini shishirib chiqadi).

Ogʻriqsizlantirish: Olat sohasi ukol qilib uyuşturiladi. Kesish: Fimozga uchragan tor teri kesib olinadi (pichoq yoki lazer bilan). Tikish va bogʻlash: Oʻzi soʻrilib ketadigan iplar bilan tikiladi va bint bogʻlanadi.

Shaxsiy va jinsiy a'zolar gigiyenasiga doimiy rioya qilish (kunda yuvib turish). Yosh bolalarning chekka terisini majburan va keskin orqaga tortmaslik (bu chandiq hosil boʻlishiga olib keladi). Jinsiy a'zolarning yalligʻlanish va jarohatlanish holatlarini oʻz vaqtida davolash. Bolalarda rejali ravishda profilaktik sunnat (sirkumsiziya) amaliyotini oʻtkazish.