ATOPIK DERMATIT (EKZEMA)

Kuchli, ba’zan chidab bo‘lmas qichishish (tunda kuchayadi), terining yaqqol quruqlashishi va po‘st tashlashi, qizarishlar, yoriqlar. Terini qashlaganda suyuqlik ajraluvchi yaralar va qoraqo‘tirlar hosil bo‘ladi.

Atopik dermatit (ekzema) — bu terining surunkali, irsiy (genetik) moyillikka ega bo‘lgan allergik kasalligi bo‘lib, kuchli qichishish, quruqlik va yallig‘lanish bilan namoyon bo‘ladi. Ko‘pincha go‘daklik davridan boshlanadi.

Terini qashlash oqibatida ikkilamchi infeksiya (bakterial yoki virusli) qo‘shilishi. Ko‘pincha Kaposhi "gerpetik ekzemasi" yoki piodermiya (yiringli yaralar) rivojlanadi. Shuningdek, vaqt o‘tishi bilan astma yoki allergik tumov rivojlanishi mumkin ("atopik marsh").

Go‘daklar: yonoqlar, peshona, boshning sochli qismi, qo‘l va oyoqlarning tashqi (yoziluvchi) tomoni. Bolalar va kattalar: tirsak va tizza bukilmalari, bilaklar, bo‘yin, ko‘z atrofi. O‘tkir bosqich: kuchli qizarish, shish, namlanish (suyuqlik ajralishi), kuchli qichishish. Surunkali bosqich: teri qalinlashadi, dag‘allashadi, teri chiziqlari yaqqol ko‘rinadigan bo‘lib qoladi (lixenizatsiya), doimiy quruqlik kuzatiladi.

Asosiy parvarish: kuniga bir necha marta emoliyentlarni (maxsus namlantiruvchi kremlarni) doimiy ravishca surtish. Yallig‘lanishni olish: shifokor ko‘rsatmasi bilan qisqa kurslarda topik glyukokortikosteroidlar (gormonal kremlar) yoki kalsinevrin inhibitorlari (takrolimus). Qichishishni kamaytirish uchun antigistamin (allergiyaga qarshi) dorilar.

Ma’lum bo‘lgan allergenlarni cheklash, xonadagi havo namligini saqlash (40-60%), issiq bo‘lmagan iliq suvda 10 daqiqadan ko‘p bo‘lmagan vaqt cho‘milish, paxtali gipoallergen kiyimlar kiyish, yuvingandan so‘ng darhol emoliyent kremini surtish.