SPERMATOSELE

Kista kichik bo‘lganida (1 sm gacha) hech qanday belgi bermaydi. U kattalashgan sari quyidagi simptomlar kuzatilishi mumkin: Yorg‘oqda og‘irlik, to‘lishish yoki bosim hissi. Moyak ustida palpatsiya qilinganda (qo‘l bilan tekshirilganda) og‘riqsiz, yumshoq, dumaloq hosila sezilishi. Kista juda kattalashib ketganda (yurish paytida yoki jismoniy harakatda) simillagan og‘riq. Yorg‘oqning vizual ravishda kattalashishi yoki assimetriyasi.

Moyak ortig‘i yo‘llarining tiqilib qolishi: Spermatozoidlarni olib chiquvchi naychalardan birining bloklanishi natijasida suyuqlik yig‘ilib, kista hosil qiladi. Jarohatlar: Yorg‘oq yoki moyaklarga berilgan jismoniy zarbalar. Yallig‘lanish jarayonlari: Epididimit (ortiqning yallig‘lanishi) yoki orxit (moyakning yallig‘lanishi) kabi o‘tkazilgan infeksion kasalliklar. Tug‘ma nuqsonlar: Homila davrida moyak yo‘llarining noto‘g‘ri rivojlanishi.

Davolanmagan yoki juda kattalashib ketgan spermatocelening asoratlari: Kistaning yiringlashi yoki yallig‘lanishi (infeksiyalar tushganda). Kistaning yorilishi (jarohat olganda). Bepushtlik (Infertillik): Kista o‘sib, urug‘ yo‘llarini qisib qo‘ysa, spermatozoidlar harakati bloklanadi.Moyak atrofiyasi:Qon tomirlarining uzoq vaqt siqilib turishi natijasida moyak oziqlanishining buzilishi.

Mikroskopik (kichik) bosqich: Kista juda kichik bo‘lib, bemorni bezovta qilmaydi. Faqat ultratovush tekshiruvida (UZI) tasodifan aniqlanadi. Klinik namoyon bo‘lish bosqichi: Kista o‘lchami 1–2 sm gacha yetadi. Qo‘l bilan paypaslaganda osongina aniqlanadi, yengil noqulaylik tug‘dirishi mumkin. Katta (gigant) kista bosqichi: O‘lchami 3 sm va undan oshadi. U atrofdagi qon tomirlari va asablarni siqib qo‘yadi, yaqqol ko‘rinib turadi va doimiy og‘riq beradi.

Konservativ (Dori-darmon) davolash: Kistani dori bilan yo‘qotib bo‘lmaydi. Faqatgina og‘riq bo‘lsa, og‘riq qoldiruvchi va yallig‘lanishga qarshi dorilar (YAQVD) buyuriladi. Jarrohlik amaliyoti (Ko‘rsatma bo‘lganda): Spermatoselektomiya: Kistani butunlay olib tashlash operatsiyasi. Mikroskop yordamida (mikroxirurgik usulda) bajarilsa, asoratlar xavfi minimal bo‘ladi. Skleroterapiya: Kista ichidagi suyuqlik shprits bilan tortib olinadi va ichiga devorlarini yopishtirib yuboruvchi maxsus modda yuboriladi (farzand ko‘rishni rejalashtirayotgan yosh erkaklarga tavsiya etilmaydi, chunki naychalarga zarar yetishi mumkin).

Yorg‘oq sohasini har qanday jismoniy jarohatlardan asrash (ayniqsa sport bilan shug‘ullanganda maxsus himoya vositalaridan foydalanish). Siydik-tanosil tizimidagi yallig‘lanish va infeksion kasalliklarni (epididimit, prostatit) o‘z vaqtida va oxirigacha davolash. Erkaklar yiliga kamida bir marta urolog ko‘rigidan o‘tishi va vaqti-vaqti bilan yorg‘oqni o‘zi mustaqil paypaslab tekshirib turishi (samodiagnostika).