SIYDIK TUTA OLMASLIK

Yo‘talganda, aksirganda, kulganda yoki og‘ir yuk ko‘targanda kutilmaganda siyib qo‘yish jismoniy zo‘riqishdagi siydik qochishidan dalolat beradi. To‘satdan va kuchli siydik qistashi hamda hojatxonaga yetib borishga ulgura olmay qolish imperativ yoki qistovli turiga xosdir. Bunda odam kechasiyu kunduzi juda tez-tez hojatga chiqishga majbur bo‘ladi.Qovuq to‘liq bo‘shalmagani sababli siydikning doimiy ravishda tomchilab turishi va hojatdan keyin ham qovuq to‘la bo‘lib tuyulishi esa to‘lib ketish sababli siydik qochishining belgisidir. Shuningdek, ba'zida bu simptomlarning bir nechtasi birgalikda (aralash turda) namoyon bo‘lishi

Murakkab va koʻp sonli tugʻruqlar, yirik homila, tugʻruq paytidagi yirtilishlar; Menopauza (estrogen gormoni kamayishi tufayli qovuq shilliq qavati va mushaklari yupqalashadi); bachadon yoki qovuqning pastga tushishi (prolaps).Prostata bezi adenomasi yoki saratoni tufayli operatsiyalardan keyin (sfinkterning shikastlanishi); prostata bezining oʻtkir yalligʻlanishi.

Teri muammolari: Doimiy siydik tegishi natijasida chov sohasida dermatit, yara va nekrozlar paydo boʻlishi. Infeksiyalar: Surunkali qaytalanuvchi tsistit va piyelonefrit. Psixo-ertal asoratlar: Kuchli depressiya, uyat hissi, jinsiy hayotdan voz kechish, jamiyatdan va ishdan ajralish (ijtimoiy izolyatsiya).

Yengil daraja: Siydik faqat keskin va kuchli jismoniy zoʻriqishlarda, qattiq yoʻtalganda, aksirganda yoki tez yugurganda bir necha tomchi miqdorida qochadi. Oʻrta daraja: Oddiyroq harakatlarda, masalan, tez yurganda, joyidan birdan turganda, yengil kulganda peshob qochishi kuzatiladi. Kundalik prokladka (taglik) ishlatishga ehtiyoj tugʻiladi.Ogʻir daraja :Bemor hatto tinch holatda yotganda, oʻtirganda yoki sekin qadam bosganda ham siydikni mutlaqo tutolmaydi. Qovuq nazorati butunlay yoʻqoladi.

Urgent turda: Qovuq mushagini boʻshashtiruvchi va qistashni kamaytiruvchi dorilar: M xolinoblokatorlar (Solifenatsin, Tolterodin) yoki Beta-3 adrenomimetiklar (Mirabegron). Ayollarda (menopauzada): Mahalliy estrogen gormonli sham yoki kremlar (Ovestin) toʻqimalar tonusini oshiradi.Sling (TVT / TOT) operatsiyalari: Uretra (siydik kanali) ostiga sun'iy sintetik toʻr (petlya) oʻrnatiladi. Yoʻtalganda bu toʻr kanalni qisib, siydik qochishini toʻsadi. Operatsiya jarohatsiz (kesishlarsiz) bajariladi, samaradorligi 90% dan yuqori. In'ektsion usul: Uretra atrofiga maxsus dori (gel) yuborilib, kanal sun'iy toraytiriladi.

Homiladorlik davrida va tuqqandan keyin Kegel mashqlarini odat tusiga kiritish; tana vaznini normada saqlash; qabziyat (ich qotishi) ga yoʻl qoʻymaslik; ogʻir yuk koʻtarishdan qochish; har qanday urologik yalligʻlanishlarni vaqtida va toʻliq davolash.