GIDROSELENI DAVOLASHDA BERGMAN OPERATSIYASI

Yorg'oq kattalashishi: Bir yoki ikkala tomonda og'riqsiz shish (ertalab kamayishi mumkin). Og'irlik va bosim: Chov sohasida doimiy noqulaylik hissi. Harakatlanishda xalaqit berishi: Yurishda, sportda va kiyim kiyganda noqulaylik. Og'riq va qattiqlashish (so'nggi bosqichda): Ko'p suyuqlik yig'ilganda simillovchi og'riq. Siydik va jinsiy aloqada muammolar: Yorg'oq hajmi juda kattalashib ketganda yuzaga keladi

Suyuqlik yig'ilishiga moyak xaltasining jarohatlanishi, o'tkazilgan yallig'lanish jarayonlari (orxit, epididimit), varikotsele yoki churra amaliyotlaridan keyingi asoratlar hamda limfa oqimining buzilishi sabab bo'ladi. Bergman operatsiyasi, ayniqsa, kasallik uzoq vaqt davom etganda, suyuqlik hajmi juda katta bo'lganda va pardalar sezilarli darajada qalinlashganda (sklerozlanganda) tavsiya etiladi.

Ehtimoliy asoratlarga moyak xaltasida gematoma hosil bo'lishi, operatsiyadan keyingi kuchli shish, jarohatga infektsiya tushishi, moyak tomirlari yoki urug' tizimchasi unsurlarining (juda kam uchraydigan) shikastlanishi hamda dastlabki davrdagi og'riq sindromi kiradi.

1-bosqich (Boshlang'ich): Yorg'oqda biroz og'riqsiz shish paydo bo'lishi. Yotganda shish kamayadi, yurayotganda yoki og'irlik tushganda kattalashadi. 2-bosqich (Rivojlanayotgan): Yorg'oq sezilarli kattalashadi, doimiy og'irlik hissi paydo bo'ladi, yurishda va kiyim kiyganda noqulaylik tug'diradi. 3-bosqich (Kechikkan / Asoratli): Suyuqlik o'ta ko'p to'planadi, moyak qobiqlari qalinlashadi, simillovchi og'riq, siydik va jinsiy aloqada muammolar yuzaga keladi.

Og'riqsizlantirish: Narxoz yoki mahalliy anesteziya beriladi. Kesish: Yorg'oqda kichik kesim qilinib, yig'ilgan suyuqlik so'rib olinadi. Qobiqni olib tashlash: Moyakning ortiqcha va qalinlashgan qobig'i butunlay kesib tashlanadi (Vinkelman operatsiyasidan farqli o'laroq, bu yerda qobiq orqaga qaytarib tikilmaydi). Yakunlash: Qolgan chetlari tikib chiqiladi, moyak joyiga qaytariladi, 1 kunga drenaj qo'yilib, teri choklanadi.

Bemorga 1–2 kundan so'ng uyiga javob beriladi. 2–3 hafta davomida maxsus ushlab turuvchi suspenzoriy (yoki zich ichki kiyim) kiyish, jismoniy zo'riqishlar, og'irlik ko'tarish va jinsiy aloqani cheklash tavsiya etiladi. Shishning oldini olish uchun dastlabki sutkada mahalliy muzli kompress qo'llaniladi.