32 yillik tajriba

Tursunova Diloram Sabitovna — qabul qilish narxi va sharhlar

Allergolog

Immunolog

Oliy toifali shifokor

0.0

0 ta izoh

Запись по телефону +998 (99) 886-39-93

Tursunova Diloram Sabitovna

Mutaxassisligi: Allergolog-immunolog, pulmonolog, terapevt

Klinika: Medion 24/7 (Labzak)

Tursunova Diloram Sabitovna allergiya, bronxial astma va nafas yo‘llari kasalliklari bilan murojaat qilgan bemorlarni qabul qiladi. Allergolog va pulmonolog sifatida bolalar hamda kattalar, terapevt sifatida esa katta yoshdagi bemorlar bilan ishlaydi.

Burun doim bitib yurishi, tez-tez aksirish, ko‘z qichishishi va yoshlanishi allergiya belgisi bo‘lishi mumkin. Ayniqsa, bu holat bahorda, o‘simliklar gullaganda yoki uy changi va hayvonlar bilan kontaktdan keyin kuchaysa. Diloram Sabitovna allergik rinitda kasallik sababini aniqlash va simptomlarni nazorat qilish uchun davolash tanlash bilan shug‘ullanadi.

Bronxial astma ham uning asosiy yo‘nalishlaridan biri. Astmada odamda hansirash, hushtaksimon nafas, kechasi yo‘tal yoki ko‘krakda siqilish bo‘lishi mumkin. Ba’zi bemorlar doim ingalyator ishlatadi, lekin shunga qaramay xurujlar takrorlanadi. Bunday vaziyatda dorilarni va ingalyatordan foydalanish tartibini tekshirish kerak.

Teri qichishishi, eshakyemi, shishlar va ayrim ovqatlar yoki dorilardan keyingi allergik reaksiyalar bilan ham shifokorga murojaat qilish mumkin. Ayniqsa, reaksiya qayta-qayta kuzatilayotgan bo‘lsa, uning sababini aniqlash muhim.

Bir necha hafta davomida ketmayotgan yo‘tal ham tekshiruv talab qiladi. Chunki yo‘tal faqat bronxitdan emas, astma, allergiya yoki boshqa kasalliklardan ham bo‘lishi mumkin. Ayrim bemorlarga spirometriya tekshiruvi tavsiya etiladi.

Qabulga oldingi allergiya tahlillari, spirometriya natijalari va ichayotgan dorilar ro‘yxatini olib kelgan ma’qul. Ingalyator ishlatsangiz, uni ham ko‘rsatgan yaxshi.